Photo by cottonbro on Pexels.com
الغربه هى أول فراق عن حبيب…. شعور دفين بالوحده ..احساس قاس بالترك
الغربه بيظهر عمقها قدام أول لهفه لزياره من حبيب كان مسافر بعيد
الغربه هو شعور بنت يتيمه عايشه مع ناس بيهتموا بيها انما هى تنتظر بلهفه زياره الاب
الغربه هو احتياجك للمساعده بس خايف تفرض نفسك على ناس المفروض انهم قريبيبن!
. الغربه هى عدم الجراه على العتاب
الغربه هى يقينك بأنك مش محور الكون لناس المفروض انك بالنسبالهم الكون بحاله
الغربه شعور دفين بانك متساب شعور دفين أنك وحدك شعور دفين أنك مش مهم
الغربه تشبه سيده حزينه بعمر الالف عام ولكنها ترتدى ثياب فتاه بعمر الخمس سنوات!!!
الغربه هى التفنن المتقن لتسميه الاشياء بمسميات غير حقيقيه …. هربا وهلعا من مواجهه الاشياء بمسمياتها الحقيقيه………….الغربه عمر من إنكار الحقيقه
الغربه خوف من الصحبه.. الغربه شك … الغربه بين الاحباب كرؤيه السراب فى الصحراء
الغربه مش انك تسيب بلدك وتسافر….. الغربه انك تكون بين حبايبك وخايف تعشم فيهم فتلسع نفسك بالحقيقه اللى بتهرب منها…. لانك متاكد بمشاعرك انهم …. هيخذلوك
الغربه علاجها التسامح … علاجها التجاهل ….علاجها عدم انتظار مقابل …. وصدق او لا تصدق علاجها المحبه
سارة_عزت#
